D'LENMAWI BUNG 14-NA
Ziaktu-Venpuii
A haw tawh ring ru deuh chung chuan nurse pakhat chu doctor awmna ka zawt a,a la haw loh thua min chhan hnuah a office-a a awm thu min hrilh lehin doctor office pawh chu min kawh hmuh leh thlap a,a fel ka ti ang reng.
Lawmthu hrilh mawlh mawlhin doctor office lam ni a a sawi lam chu hmanhmawh deuhin ka pan hlawk hlawk a,ka thlen rual chuan kawngka chu ka kik karh karh a,"Lo lut rawh,"tih riin a zui zat.
Kawngkhar chu ka hawng riai riai a,min lo hmu chu a phawk ve deuh,"Lo thu rawh,eng nge ni ta?"a lo ti thuai a,a hmaa thutna awmah chuan thuin,"Doctor,"ka ti leh te te a,"Eng nge ni ta?Sawi rawh le,"a tih leh hnu chuan,"U Rintluanga hian a hriatna hi a hlauh tak tak lo tiraw?"ka ti tawl a,a lu a lo thing na na.
"Eng nge maw I sawi ni,an accident-na vang khan a lu a sawh a,a lo sawh na deuh bawk nen a hriatna thenkhat hi a hlauh alawm,"a ti a,ka awih tawh lo reng reng.
"Thu dik i sawi tiraw?"ka aw kรฎ ah chuan ka rinhlelh zia pawh a hriat theih a,chu erawh ka ngaihthah lui hmiah thung a, tuna ka hriat duh awm chhun chu u Rintluanga awm dan dik tak hi a ni.
"Dawt sawina chuan tur ka nei hleinem,dam lo hian a hriatna chu a hlauh ngei e,"a ti leh a, ka awih thei thlawt lo,Dinhlua khan a hre sual ta mai em maw ni ka ti rum rum tawh.
"Aw le,a(h) ka lawm lutuk aw,"tih leh a office atang chuan ka chhuak a,ka thaw a hah leh tet tet tawh,Dinhlua chuan a hriat chian loh a sawi ka ring lo,a chhan pawh hetiang thil hi chu rin thu leh ngaih dan sawi a,thu tak khuka khul pui chiam chi a ni lo tih kha a chiang em em dawn a,eng nge thil awmzia hi ni ta ang,ka ngaihtuahna a sawhchiar nuai tawh.
Ngawi rengin cabin lam chu ka pan leh hnek hnek a, ngaihtuahna erawh a chawl meuh lo zawng a ni,u Rintluanga hian a hriatna chu a hlauh tak tak em maw ni ka ti rum rum thin a,mahse leh lamah Dinhlua thil hriat,'Rintluanga kan thu hnuai tawh,' tih chu ngaihtuahna chawk buaitu a la ni cheu.
Tih dan tur dapa ka inngaihtuah ngut ngut lai chuan,"Muani,Muanpui,a mi kha(h)?"tih ri ka hria a,ka hawi kual nak chuan Rinzuali ka hmu a,a status te hi ka hmu veleh thin a,kan inhmuh hmasak ber bak tih loh kha chu hmai chhanah kan la inhmu leh lo.
"Ehe...I dam a maw?"ka lo ti var a,min rawn hnaihin,"Dam a nimai ang chu,nang eng nge I dam em?Eng nge damdawiinah te i tih a?"nui sang chungin a ti a,"Ka pasal hual a dam lo a, hei ka awmpui anih hi,nang zawk i dam lo nge?"ka lo ti let ve thuai a,a lu thingin,"Dam tha lutuk,ka cousin a dam lo a ani pawh,ka awmpui anih hi,"a ti a,eng eng emaw kan sawi a,a bula awm a nuamin a hahdam thlak khawp mai.
"Anih phawt,hei dawra kal ka la ngai sia,kan inhmu leh vat dawn nia,"a ti a,"E...aw kal rawh,inhmuh leh vat kan tum dawn nia,"nuih sen sen chungin ka ti a,ani pawhin nui sangin min kalsan zui ve mai bawk.
Thui lo tรช ka kal leh hnu chuan u Rintluanga cabin ka thleng a,ka luh chuan thu chungin t.v. a lo en a,a thil en ber kher lah chu(h) patling a pumpa cocomelon hi a lo en a,ka nuih a ti za ang reng.
Ka lut a hmuh rual chuan a ti sawn daih a, a hmuh loh lamah ka nuih ka nuih a,ani erawhin t.v. chu a en tui khawp a, cocomelon erawh a en zui tawh lem lo.
Feli nen kan inbia a,chanchin min rawn zawt luam a,min ngaihsak lutuk hi a nuam thin,mi hi a fuih sauh sauh a,ka hnualna turin engmah min sawi pui duh ngai lo va,ka tan thahnem a lo ngai em em a, heng te vang hi aniang ka ngaina takzet a,ka laizawnnu ang zawk mai hi a ni.
Naktip lama kan chhuah theih maithei(h) tur thu te chu ka va hrilh ve a,a lo phur khawp a,"Inah hian security kan dah ang nga,"te a ti thul...a hahthlak ve thin a ni.
Kion ka biak chak deuh vang chuan ka call zui a,a lo la rang khawp mai,"Bawihtea a awm em?"a tawng hma hma chuan ka lo ti a,"Aw awm e,kha be rawh u,"thawn a ri zui sat sat a,"Atรช,"tih chu tawng ri ka hriat leh hmasak ber a ni.
"Aw, Bawihte,eng nge i tih a?"
"T.V. kan en a, Atรช, Papa nen khan engtikah nge in lo haw theih ang?"a lo ti ve siam siam a,a tawng hi fiah lo chuang si lo hian a lawmawm reuh em em leh nghal a,a bula awm min ti chak vawng vawng mai.
"Kan lo haw thei tep tawh aw,lo nghak hram hram la,"ka ti a, naupang dang laka a danglamna a rawn lang chhuak leh zat,"Imm...dam deuhin lo haw ru aw,"a ti a, naupang tam tak ni se an ti dawn lo chiang lutuk.Chu mai bakah tap chunga an ngen zawk ka ring.
Bawihtea erawhin mi a hrethiam em em a,a kum phu loin a fing em em a. Naupang mak tak zawng a ni,chu pawh a tha lamin.
"Papa ka lo be ve,"a tih talh vangin phone nen chuan u Rintluanga lam ka pan a,a lo thu rem ve mai bawk,"Junior,"a pa'n a tih rualin,"Papa,I dam tawh em?"a ti nghal chul a,a ngai hle niin a lang.
"Dam tawh e,naktuk tuk lehah kan lo haw thei tawh dawn a,chumi hma chu Nini thu lo awih rawh aw"
"Aw le,nangpawh fel deuhin awm rawh aw, Atรช-i thu awih la,"a rawn ti veleh a,ka lo nui hak.
"Aw le, tehreng,ka lo awih ngei ngei ang,"a ti a, sawi tur an han ngah dun khawp a,biak pawh an inbe rei khawp mai,darkar khat tha zรชn zรขwn chu an pahnih ngawt chuan an inbia a,games chung chang te an sawi a,engmah ka hrethiam ve lo ve a(h).
An inbiak zawh rual chuan ka phone chu a rawn ri a,u Rintluanga kutah phone chu a la awm, phone screen chu a big zawk a,min pe ve mai bawk.Dinhlua hnen atangin a ni a,u Rintluanga bula biak chi ni a ka ngaih loh vangin pawnah ka tlanchhuah pui a, phone chu ka la pah bawk.
"Aw hello"
"Muani,hei patea te inah chuan ka kal dawn chiah,chaw ka ei dawn a,kha lam eng nge a an?"a rawn ti thuai a,"Engmah a sawi chuang lo,a doctor kha ka hmu a,ani pawn hriatna hlauh ang thoin a sawi a,"tiin ka chhang a,a ngawi vang vang.
"Kan hre thei tho ang, lungngai duh suh,patea hi a ruih tawh chuan thil sawi phawng phawng mi hi a ni ve a,a sawi em em ang,"a ti a,eng eng emaw kan sawi leh zet hnuah kan inbiakna kan ti tawp a, cabin lam ka pan leh thuai bawk.
Ka va luh chuan a ngai te tein a lo inngaihtuah leh ngur ngur tawh a,ka en reng lai chuan ka lam rawn hawiin min rawn hui a,ka in kawh heh lai chuan,"Kan pahnih chiahin kan awm hi,"a ti a,ni dawn tak e.
A lamah chuan ka kal a,"Thu teh le,"a ti dam dap,thu awih tak chuan ka thu ve ran a,ka mitah tak min enin ka kut chu a hum a, thawk a la vang vang,"Ka theihnghilh che hi i ring tak tak em?"a ti ta a,ka lu chu bu nghatin,"A tir kha chuan ti e,tunah chuan ka chiang tawh lo,"ka ti a,ka sam chu chul mamin,"Engtikah mah ka theihnghilh ngai lo ang che,kan thinlung a inzawm tawh a,ka theihnghilh ngai lo ang che,"a ti dap dap a,min ti bo thui telh telh.
"Anih i hriatna i hlauh lo tih chu i pawm tihna a mi?"
"Pawm lo thei loin min siam miau alawm,"a ti a,ka mitah tak en lehin,"Ka hriatna ka hlauh lo,"a ti ta a,ka chhanna duh tak hmu mah ila ka bo telh telh tho.
"Sawi chiang la,ka ngaihtuahna i chawk buai vek ania,"ka tih chuan tawi te hian a nui a,"Tu hnenah mah sawi chi a ni lo ania,anih loh chuan ka ruahmanna a chhe vek ang,"a ti leh te te a,ka lo bu sawk sawk tawh.
A thut dan siam remin,"I nu a la dam tih hi i hria em?"a ti leh a,ka phawk tha khawp mai.
"Ka nu te chu a botal tawh alawm,kan in a kang a"
"A hmel chiang takin I hmu em ni?"ka lu ka thing nawk nawk a,a lu bu leh zeuhin,"I nu kha a thi reng reng lo,i nuhrawn leh Hriati nu hi thian tha tak an ni a,engkim hi an ruahmanna vek a ni,i nu chu a la dam a,tunah khawiah emaw an dah,"a ti leh a,ka ham haih lutuk a,engmah sawina chang pawh ka hre lo reng reng.
"Ka nu la dam thu leh i hriatna hlauh chuan eng nge in zawmna a neih?"
"Hriati nu hian kan chetsual zan khan min lo bia a,i nu a la dam thu leh an kuta a awm thu min rawn hrilh a,chuan I nu nungdama a awm kan la duh anih chuan kei hian Hriati hi ka neih leh a ngai dawn a,chuan I nu a chhuak thung ang, Hriati neih kha ka duh lo a,mahse i nu ka thlahthlam thei chuang hek lo,"thawk a la hak a,rawn sawi zawmin,"Kan chesual min zai ni la la khan ka harh a, doctor hi ka thian ania, ruahmanna kan siam ta a,chu chu kei hriatna hlauh anga lem ka chan theih nan."
"Anih chu chuan eng kawng ro nge a sut?"
"Hriatna hlauh anga ka awm anih chuan Hriati hi a rawn inrawlh ngei dawn a,keiin ka lo be tha huam huam thung ang nga,nang ti na chein chuan ka lak atangin i hla tih Hriati'n a hriat hunah a nu leh pa a hrilh ngei ang nga,chuan inneih that leh an rel ngei ang,chuan keiin inneih that leh nan hun min pe turin ka ti ang nga,chuan chumi chhungin I nu awmna chhui chhuah ka rilruk alawm,"a ti ta a,ka hrethiam ta kuarh mai.
Ka nu a la dam chu ka lawm a mahse ka nuhrawn lakah chuan ka rilru a na bawk.
Ka rinna a chungah ka nghat a,mahse ani chuan ka rinna ti chhiain ka hnung lam atangin min bei a ni,lo hre tur kha ka ni asin le,ka tap teuh tawh a,ka mittui chu a kuta tuai hulin,"I tap ka hmuh duh vang hian ka hrilh hleinem che,"a ti a,"Ka rinna a ti chhia,"tih zawng ka sawi thung.
"Kei chuan i rinna ka tichhe ve ngai dawn lo tih hre reng rawh, kei min nei a,tunah thu dik i hre tawh a,tun atang chuan a tawk rih viau e,Feli pawh hrilh lo la,"a ti zui leh a,ka bu sawk sawk.
"Dinhlua kha?"kan ngawih leh vang vang hnua a tih chuan amah chu ka en a,min lo en ve reng,"I hriatna i hlauh tak tak nge tak tak lo hriat kan duh a,bakah Dinhlua khan u Hriati nu leh pa thusawi a lo hre ru a,an thu hnuaia an dah tawh thu che an sawi lai a hria a,tunah an inah chaw a ei a,a patea kha hrai ruih a thil awmzia zawh chhuah a tum a,"ti dek chuan ka ti a,a thaw halh.
"I lakah khan zep miah lo tur ka nia, tul loah i rilru ka ti hahin ka ti na a,min ngaidam rawh aw,"a ti sup a,ka en reng lai chuan ka hmuiah a rawn fawp a,ka mit ka lo chhing sawk.
A inlak hran rual chuan,"Ka tihpalh lutuk aw,ka lo hre lo a,ka tana i tih vek ania,ka lo inrawlh ve zel vang hian,"ka ti chu nui suk chung hian min en a,ka biangah piaiin,"A tawk tawh e,"ka sam a chul leh hliau hliau a,ka ngaih a that rual rualin lehlamah ka nu chu ka ngaihtuah a ni.
"Tunah eng ruahmanna nge kan kalpui ang?"
"Lem ka chan chhunzawm ang nga,doctor hi ka bia ang nga,naktipa chhuak loin naktuka chhuak turin,kan chhuah rualin in in lamah i haw ang nga,i nu chu ngaihtuah suh aw,tunah hian Remsanga khan a chhui mek a,"a ti a,"Tu Remsanga?"
"Kan inah pawh an lo kal tawh kha,an nu chu tar ki ringi,"a tih chuan ka hre veleh chiah val senior-a kha anih mai hmel e.
"Anih te chuan tih dan ka hria,chhui a ngai tawh reng reng hleinem"
"Ruahmanna i nei em ni?"
"Remsanga chuan ka nuhrawn leh u Hriati nu chu man mai se,"a lu thingin,"Evidence a awm lo,"a ti a,ka hnual hman mahse kawng dang a la awm cheu.
"Dinhlua chu hrilh vek ila,a patea nena zu an in lai chuan dawp mai se,a hriatpui i ring em?"
"Ngaihtuahna tha tak a nih chu,"ka lu chu tuai zeuhin,"Lalthiamtheinu,"a tia ka nui hak.
"Dinhlua chu ka phone ang nga,bia la,"a lu a lo bu leh nghat a,ka phone chu ban zuiin Dinhlua number chu ka dial a,a la tawh dawn lo emaw ka tih tawh hnuah a rawn chhang ve hram e.
A rawn lak rual chuan,"Eng nge ni?"a rawn ti a,"Lawk u Rintluanga thil sawi hi ngaithla lawk teh,"tih leh u Rintluanga chu phone pek ka rual a,an inbe lai chu ngun thluk fahran hian ka lo ngaithla a,tih dan tur an inhrilh mual mual bawk.
Ka nu chung leh kan chunga thil tha lo a thlen loh nan ka rilruin ka tawngtai mawlh mawlh a, nung dama ka nu a la awm vang erawhin lawmthu ka hrilh mawlh mawlh bawk.
An inbiak zawh rual chuan,"Remsanga hi chanchin kan hrilh ang nge,"a ti a,ka run ai daihin kan awlsam dawn e, Pathian khawngaihna vang liau liau a ni.
Ka phur lutuk chu ka za cheng a,u Rintluanga tak pawn min tih ngaihna vak a hre lo aniang min nuih leh tawp thin a,kei erawh ka hlim lutuk a,ka in control thei meuh lo.
"Hello,"a tih rual chuan ka ngawi hmiah a, chanchin chu a sawi leh mawlh mawlh a, kei erawh ka phur tawh khawp a,ngaih a tha hliah hliah tawh.
"Aw,aw,nia kha chu Dinhlua nghah a ni tawh mai,a dawp chhuah rualin min lo bia ang nga,in che nghal mai dawn nia,"a tih leh zet hnuah phone a off a,nui vur vur chunga ka lo en vang chuan a kiai suk a,"Tiang em em hian i hlim ka ring miah lo a,"a tih chuan ka then chiam a,"Ka hun tawn ang hi midangin tawng ve se ka awm dan ang hian an awm ve tho ang,"ka tih chuan zawhna mitmengin min en a.
"Kum tam tak a thi emaw ti a ka lo ngaih thin kha tunah a la dam tih ka hria a,chuan nang ka bulah i awm bawk a,Kion-te,Feli-te pawh khawvela hlimna zawng zawng nei vek ang mai ka ni,"min nuih hawk a,"Kan la innei hman ang em aw(h)?"a rawn ti daih a,chu chu ngaihtuah tham ve tak a ni.
"Buaina hi kan ching fel hman anih chuan ni 10-ah chuan kan innei dawn nia,"a ti zui a,hlimna hi a thuah hnih thuah thum chho vel vek mai a ni.
Hma hun sawia kan titi lai chuan ka lo nghahhlelh rilruk em em mai Dinhlua call kan dawng ta a, ka la rang khawp mai.
"Ka hre tawh aw,"a rawn tih rualin u Rintluanga chu ka en a,mawi fahrana min nuihin ka chalah a fawp a,kei erawh ka hlim lutuk a,ka mittui a tla lek lek.
"Khawiah nge ka nu chu an dah?"ka aw pawh a khur dar dar thei,"Patea farm house-ah an dah a ni awm e,hei tunah farm house lam chu ka pan mek,"a ti a,ka tap chhuak hawk,ka nu nen kan inhmuhna hun a hnai zel tih ka hria chuan min ti hlim a ni.
"Bawihpui,"u Rintluanga'n tih leh phone chu min chhuh a rual a, Dinhlua nen chuan an inbia a,an inbiakna pawh ka hre mumal meuh lo,"Remsanga kan bia ang nge,"u Rintluanga'n a tih ri te phone a hmang ri te chu ka hre vuai vuai a, huatnain min rawn deng dawt dawt a,ka thin a thip vawng vawng.
"Bawihpui,tap suh le, Remsanga ka bia a,farm house lam an pan mek aw,tap tawh suh le,Bawihpui,le min en teh,"a lamah min kuai herin,"Kan ching fel thei tep ania aw,tap lo la,hlim zawk tur,"tiin a phun sup sup a,ka lu buk khumin ka tap chhuak leh hawk a,min kuahin ka hnungah duat takin a chul a,ka hnuk a ulh tlat chu ka in hrethiam bik lo.
"Chhungkua kan din dun thei tep tawh e,i nu te nen,Feli te,nang,kei,Kion kan awm a, chhungkaw duhthusam hlimna a khat nei turin in buatsaih ang le,"a ti zui a,min hnem dan chuan hnuk a ti ulh zual a,beiseina nen chu hun lo thlen hun tur chu ka thlir mek a ni.